किरात समुदायको कक्फेक्वा तङनाम तथा माघे सङ्क्रन्ति पर्व आज धूमधामका साथ लिम्बूहरुले मनाइरहेका छन् ।
किराती राई, याक्खा, लिम्बू सुनवारलगायतका जातजातिले विशेष धूमधामका साथ मनाउने कक्फेक्वा तङनाममा वन तरुल, घर तरुल, सखरखण्ड, फूलतरुल खाने गरिन्छ ।
अन्य तरुलको तुलनामा वन तरुल भने किरातीहरुको मन्धुमसँग जोडिएको पाइन्छ । आदिम कालमा मनुष्यले अन्नवाली नहुँदा यही वन तरुल सेवन गरी प्राण रक्षा गरेको भन्ने किवंदन्ती रहेको पाइन्छ ।
बिहीबार बिहान चाँडै उठेर नुहाइधुवाई गरेर आफूले नुहाएको धारा र आफूले पनि निधारमा वन तरुलको टीका लगाउने गरिन्छ । यसैबीच पाँचथर र तेह्रथुमको सङ्गमस्थल तमोर नदीमा अहिले कक्फेक्वा तङनाम अर्थात माघ सङ्क्रान्ति पर्व धूमधामका साथ मनाउन सुरु गरिएको छ ।
यस्तै आज बिहान १ बजेबाट लिम्बूको नयाँ वर्ष अर्थात याक्थुङ येले सम्वत ५०७५ समेत सुरु भएको छ ।
यस वर्षबाट भने उनीहरुको चारवटा रितु रहने तथा पहिलो महिना माघलाई मान्ने गरी नयाँ वर्षसमेत सुरु भएको पत्रकार सम्मेलनमार्फत जानकारी गराएका छन् ।
0 Reviews:
Post Your Review